GƏNC LİDERLƏR UŞAQ TƏŞKİLATI : UŞAQLAR BİZİM GƏLƏCƏYİMİZDİR!

«GƏNC LİDERLƏR» 1 İYUN UŞAQLARIN BEYNƏLXALQ MÜDAFİƏSİ GÜNÜNÜ QEYD ETDİ

Bu gün «Gənc Liderlər» Uşaq Təşkilatının təşəbbüsü ilə Beynəlxalq Mətbuat Mərkəzində 1 İyun Uşaq Hüquqlarının Beynəlxalq Müdafiəsi Gününə və təşkilatın 2 illik yubileyinə həsr olunmuş «Uşaqlar bizim gələcəyimizdir» adlı tədbir keçirildi. Tədbiri giriş sözü ilə açan «Gənc Liderlər» Uşaq Təşkilatının sədri Fərid Şahbazlı bütün uşaqları bayramları münasibəti ilə təbrik edərək, Uşaqların Müdafiə Gününün əhəmiyyətindən danışdı. Təşkilat sədri 1 İyunun uşaqlar günü elan edilməsində məqsədin dünya ictimaiyyətinin diqqətini uşaqların hüquqlarına, onların problemlərinə cəlb etmək məqsədi daşıdığını qeyd etdi. F.Şahbazlı Azərbaycanda son illər uşaq hüquqlarına diqqətin artdığını söyləyərək, bu bu sahədə Heydər Əliyev Fondunun prezidenti, millət vəkili Mehriban Əliyevanın xidmətlərindən danışdı. Təşkilatın sədri uğurlarla yanaşı problemlərində olduğunu, lakin artıq ölkəmizin uşaq hüquqları sahəmində dünya miqyasında özünü təstiq etdiyini diqqətə çatdırdı. Fərid Şahbazlı 2 il ərzində «Gənc Liderlər»in 267 layihə həyata keçirdiyini xüsusi vurğuladı.

Daha sonra çıxış edən Milli Məclisin deputatı Nazim Məmmədov bütün uşaqları bayram münasibəti ilə təbrik edərək, uşaqların Azərbaycanın sabahı olduğunu bildirdi. Millət vəkili uşaqların problemlərinin həlli, hüquqlarının qorunması istiqamətində dövlətin gördüyü işlərdən danışaraq, hər kəsin yeniyetmələrin fəal olması üçün səy göstərməsinin vacibliyini vurğuladı.

«Gənc Liderlər» Uşaq Təşkilatının üzvləri çıxış edərək, qeyd etlilər ki, parılan araşdırmalar Azərbaycandakı minlərlə orta məktəbin yalnız 150-ə yaxınında Şagird parlamentlərinin olduğunu göstərib. Bunun isə uşaqlar arasında demokratik idarəçilik vərdişlərinin ləng inkişafına və onların hüquqlarının pozulmasına gətirib çıxardığı söylənildi.

«Dəyirmi masa»da Ombudsman Aparatının, Səbail Rayonu İcra Hakimiyyətinin, Dövlət Yol Polisi İdarəsinin və Təhsil nazirliyinin nümayəndələri çıxış etdilər.

Tədbir müzakirlərlə davam etdi.

Yazar: LIDER @May 29, 2008 18:27
GƏNC LİDERLƏR UŞAQ TƏŞKİLATI | Şərhlər(0)
Baxış sayı: 57
Açar sözlər:

Reklam

Blog Haqqında

LIDER «Gənc Liderlər» Uşaq Təşkilatı 2006-ci il İyun ayının 1-i Uşaq Hüquqlarının Beynəlxalq Müdafiəsi Günündə bir qrup məktəbli tərəfindən təsis olunub.
Təşkilatın təşəbbüsü ilə Bakı Şəhəri üzrə Təhsil İdarəsi ilə birgə Bakı Məktəblilərinin Parlamenti yaradılmış, Azərbaycan Uşaqların I və II Qarabağ Forumları yüksək səviyyədə-dövlət rəsmiləri, millət vəkillərinin iştirakı ilə təşkil olunmuşdur. «Gənc Liderlər» həm də Bakı Şəhər Dövlət Yol Polisi İdarəsi ilə bir neçə aylıq «Təhlükəsiz piyada» aksiyasının müəllifidir. Bundan əlavə, «Gənc Liderlər» Uşaq Təşkilatının təşəbbüsü ilə millət vəkili Nizami Cəfərovun ön sözlüyü və tarix elmləri namizədi Tahir Şahbazovun redaktorluğu ilə Heydər Əliyev Fondunun prezidenti, millət vəkili Mehriban xanım Əliyevanın şərəfinə «Mehriban Əliyeva olduğu kimi» adlı kitab nəşr olumuşdur. Təşkilat hələ 2 ildir ki, fəaliyyət göstərməsinə baxmayaraq, ölkə səviyyəsində tanınmış quruma çevrilmişdir. «Gənc Liderlər» hal-hazırda Azərbaycan Respublikasının Təhsil, Gənclər və İdman Nazirlikləri, Ombudsman Aparatı, Bakı Şəhəri Dövlət Yol Polisi İdarəsi, Səbayel rayon İcra Hakimiyyəti və bir sıra qurumlarla sıx əməkdaşlıq əlaqələrinə malikdir.
«Gənc Liderlər» Uşaq Təşkilatı məhsuldar fəaliyyəti nəticəsində cəmiyyətin bütün təbəqələrinin dəstəyini qazana bilmişdir. Bu gün təşkilatımızın «Fəxri üzvləri» sırasında Təhsil naziri Misir Mərdanov, Ombudsman Elmira Süleymanova, Tələbə Qəbulu üzrə Dövlət Komissiyasının sədri Məleykə Abbaszadə, Yazıçı-Publisist, Nazirlər Kabinetinin Mətbuat Xidmətinin rəhbəri Akif Əli,«Azəri-Türk» Qadınlar Birliyinin sədri Tənzilə Rüstəmxanlı, Təhsil nazirinin müavini İradə Hüseynova, millət vəkilləri Qənirə Paşayeva, Ülvi Quliyev, Zahid Oruc, Fəttah Heydərov, Nizami Cəfərov, Yaqub Mahmudov, Elmira Axundova, Aqil Abbas, Fuad Muradov, Əkrəm Abdullayev, Adil Əliyev, Aydın Mirzəzadə, Nazim Məmmədov, Azay Quliyev və digərləri var. Təşkilatın sədri Fərid Şahbazlı 7 saylı məktəbin 11-ci sinif şagirdi, «Siyasi Biliklər» və bir neçə digər olimpiadanın mükafatçısı, Respublika Uşaq Parlamentinin üzvüdür.