Fərid Şahbazlı: «Uşaqların hansısa məmurların, iş adamlarının özlərinin və övladlarının harınlığı ucbatından dünyasını dəyişməsini belə sakitliklə qarşılamaq biabırçılıqdır»
Qurum Dövlət Yol Polis İdarəsi ilə maarifləndirici tədbirlərə başlayacaq
«Gənc Liderlər» Uşaq Təşkilatı son aylar artan yol qəza hadisələri zamanı statistik məlumatlara əsasən, hər 10 zərərçəkəndən 5-nin uşaqlar olmasından narahatlığını ifadə edən bəyanat yayıb. Bu barədə məlumat verən təşkilatın sədri Fərid Şahbazlı yol-qəza hadisələrinin əksəriyyətinin uşaqların zərər çəkməsi ilə nəticələnməsinin cəmiyyət üçün siqnal olduğunu bildirib. Əlaqədar dövlət qurumlarının bu məsələyə xüsusi diqqət ayırmalı olduğunu bildirən təşkilat sədri uşaqların bu məsələylə bağlı kəskin etirazını diqqətə çatdırdı: «Gələcəyimiz sayılan uşaqların hansısa məmurların, iş adamlarının özlərinin və övladlarının harınlığı ucbatından dünyasını dəyişməsini cəmiyyətin susqunluğla qarşılaması anlaşılan deyil. Dövlət başçısının görünüşü məhdudlaşdıran pərdələrdən istiadə etmədiyi halda, adı bizə bəlli olan bir sıra millət vəkillərinin və nazirlik əməkdaşlarının avtobillərinin «plonka» ilə əhatələnməsi və hələ də real təhlükə mənbəyi olaraq qalması bizim üçün siqnal olmalıdır. Əlaqədar dövlət qurumları, xüsusilə də Dövlət Yol Polisi İdarəsi uşaqların ölümü nəticələnən qəzaların müxtəlif yollarla ört-basdır edilməsinə son qoymalıdır. Diqqətlə nəzərdan keçirsək, görərik ki, bu cür ciddi faktları susqunluqla qəbul etməklə bir növ gələcəyimizi təhlükə altına alırıq, sabahımız olan uşaqların qanını batırırıq. «Gənc Liderlər» Uşaq Təşkilatı bu olanlardan çox narahatdır və nəticə olmazsa yol polisinə yardım etmək üçün əlində olan faktları mətbuata açıqlayacaq. İnanırıq ki, həmişə olduğu kimi uşaqların taleyi ilə bağlı bu məsələdə də mətbuat bizdən köməyini əsirgəməyəcək!».
Qurum noyabr ayından başlayaraq, Dövlət Yol Polisi İdarəsinin İctimaiyyətlə əlaqəlar və nəqliyyatın təhlükəsizliyi bölməsi ilə 1 aylıq maarifləndirici kompaniyaya başlayacaq.
Yazar: LIDER @Oktyabr 25, 2007 3:41
GƏNC LİDERLƏR UŞAQ TƏŞKİLATI |
Baxış sayı: 86
Açar sözlər:
Qurum EUROCHİLD AİSBL-da erməni uşaqlarına qarşı zorakılığı əks etdirən qətnamənin qəbuluna etiraz olaraq təşkilatdan istefa verdi
«Gənc Liderlər» Uşaq Təşkilatın bir müddət öncə üzvlüyünə qəbul olunduğu Avropa Uşaq Birliyinin(EUROCHİLD AİSBL) sıralarını tərk edib. Bu barədə məlumat verən təşkilatın sədri Fərid Şahbazlı məlumat verib.
Onun sözlərinə görə, birliyin sıralarından istefa vermələrinə səbəb Avropa Uşaq Birliyinin(AUB) oktyabr ayının 15-də keçirilmiş iclasında işğalçı Ermənistan nümayəndələrinin təqdimatı əsasında Azərbaycan və Türkiyə dövlətləri tərəfindən erməni uşaqlarına təzyiqlərin olması barədə qətnaməninin qəbul olunmasıdır. 11 ölkənin nümayəndəsinin təsdiqlədiyi qətnaməyə görə, Türkiyə və Azərbaycan ermənilərə qarşı ayrı-ayrı zamanlarda törətdiyi soyqırımlar zamanı erməni uşaqlarına qarşı məqsədli şəkildə amansızlıq nümayiş etdirilib. Təşkilat sədri deyir ki, AUB keçirdiyi hər bir iclas barədə quruma üzv olan təşkilatlara məlumat verməyə borclu olduğu halda, bu dəfə ki, toplantı barədə «Gənc Liderlər»ə yalnız qətnamə qəbul olunduğdan sonra informasiya göndərib. «Gənc Liderlər» Uşaq Təşkilatı isə bütün bu olanlara etiraz əlaməti olaraq, quruma sıralarından istefa verdikləri barədə məktub göndərib. Məktubda qətnaməni qəbul etmiş 11 ölkənin nümayəndələrinə qondarma erməni iddialarını qəbul etmələri uşaq hüquqlarına qarşı sayğısızlıq və bu barədə Azərbaycan təmsilçilərinə sonradan məlumat verilməsi ayrı-seçkilik kimi dəyərləndirilib.
Yazar: LIDER @Oktyabr 22, 2007 0:12
GƏNC LİDERLƏR UŞAQ TƏŞKİLATI |
Baxış sayı: 104
Açar sözlər:
«Gənc Liderlər» Uşaq Təşkilatının təşəbbüsü və Təhsil Nazirliyininin Bakı Şəhəri üzrə Təhsil İdarəsinin dəstəyi ilə yaradılan Bakı Məktəblilərinin Parlamentinin(BMP) təqdimat mərasimi keçiriləcək. Paytaxtın 15 ən yaxşı məktəbindən 20 məktəbli-deputatın seçildiyi BMP-nin əsas məqsəd və prinsipləri Bakı şəhərinin təhsil ocaqlarına ictimai nəzarəti həyata keçirmək və məktəblilərin ictimai fəaliyyət sferasını genişləndirməkdən ibarətdir.
Məlumat üçün qeyd edək ki, Bakı Məktəblilərinin Parlamentinin Təşkilat Komitəsinə Bakı Şəhəri üzrə Təhsil İdarəsi, Azərbaycan Respublikası İnsan Hüquqları üzrə Müvəkkilinin Aparatı Azərbaycan Uşağdan Uşağa Sülh Şəbəkəsi, 46 nömrəli Məktəbdənkənar Tərbiyə İşi Mərkəzi və bir sıra Milli Məclis üzvləri daxil edilib.
ZAMAN: 31 OKTYABR, 2007-Cİ İL, SAAT 12.00
MƏKAN: ATATÜRK MƏRKƏZİ
Yazar: LIDER @Oktyabr 19, 2007 3:52
XƏBƏR |
Baxış sayı: 85
Açar sözlər:
BMP-nin rəhbərliyinə keçirilən seçkilər başa çatdı
«Gənc Liderlər» Uşaq Təşkilatının(GLUT) təşəbbüsü, Bakı Şəhəri üzrə Təhsil İdarəsinin dəstəyi ilə formalışdırılan Bakı Məktəblilərinin Parlamentinin(BMP) rəhbərliyinə seçkilər keçirilib. Bu barədə məlumat verən GLUT-un «Layihələr» departanmentinin rəhbəri Tural Əliyevin sözlərinə görə, seçkilər müxtəlif ictimai təşkilat və dövlət qurumlarının nümayəndələrinin iştirakı ilə tam demokratik formada baş tutub.
Seçkinin nəticələrinə görə, bir il ərzində Bakı Məktəblilərinin Parlamentinə Bakı Şəhəri üzrə Təhsil İdarəsinin «Qızıl onluğu»nda birinci yeri tutan Texniki-Humanitar liseyin şagirdi Sədaqət Salmanova sədrlik edəcək. Seçimlərin nəticəsi olaraq, sədrin I və II müavini postuna müvafiq olaraq, 59 saylı məktəbin şagirdləri Aişə Məmiyeva və Sənan Məmmədov seçilib. Parlamentinin Mərkəzi İcra Aparatına isə seçkilərin nəticəsinə görə, 214 saylı məktəbin şagirdi Ləman Dadayeva rəhbərlik edəcək.
T.Əliyevin sözlərinə görə, Hüquq Komissiyasına 7 saylı məktəbin şagirdi Etibar Hüseynov, Beynəlxalq əlaqələr komissiyasına 214 saylı məktəbin şagirdi Məltəm Kərimova, Qarabağ komissiyasına 158 saylı məktəbin şagirdi Möhsümlü Əfsanə, Təhsil, Ekologiya və İdman Komissiyalarına isə müvafiq olaraq 47 saylı məktəbin şagirdləri Yalçın Hacıyev, Nərmin Əzimzadə və Ülvi Əsədli sədrlik edəcək. Bakı Məktəblilərinin Parlamentində Çoxluq Təşkil edən Deputat Fraksiyası postuna isə 23 saylı məktəbin şagirdi Nərmin Şirinova seçilib.
Bakı Məktəblilərinin Parlamentinin ictimaiyyətə təqdimat mərasimi 31 oktyabr, saat 12.00-da Atatürk Mərkəzində keçiriləcək.
Yazar: LIDER @Oktyabr 16, 2007 2:20
GƏNC LİDERLƏR UŞAQ TƏŞKİLATI |
Baxış sayı: 96
Açar sözlər:
Fərid Şahbazlı: «Bizə dəstək olan bütün media qurumlarına minnətdarıq»
«Gənc Liderlər» Uşaq Təşkilatının(GLUT) təşəbbüsü və Bakı Şəhəri üzrə Təhsil İdarəsinin dəstəyi ilə formalaşdırılan Bakı Məktəblilərinin Parlamentinin(BMP) üzvləri artıq məlumdur. Bu barədə məlumat verən GLUT sədri, parlamentin formalaşdırılması üzrə təşkilat komitəsinin əlaqələndiricisi Fərid Şahbazlı yaxın günlərdə BMP-nin sədr postuna seçkilərin keçiriləcəyini dedi. Onun sözlərinə görə, bu seçimlərdə həm də Parlament sədrinin I və II müavini seçiləcək. BMP tərkibində «Elm və Təhsil», «Uşaq hüquqları», «Beynəlxalq və ictimaiyyətlə əlaqələr», «İqtisadiyyat», «Qarabağ» komissiyaları ilə yanaşı, həm də Mərkəzi İcra Aparatı(MİA) fəaliyyət göstərəcək.
Bakı Məktəblilərin Parlamentinin Təşkilat komitəsinin üzvləri barədə məlumat verən F.Şahbazlı komitəyə üzvlərin müraciətlər əsasında seçildiyini bildirib. Təşkilat komitəsinə media qurumlarından isə bu layihəyə ən çox dəstək verən və işıqlandıran mətbu orqanlar «Gənc Liderlər» tərəfindən könüllü olaraq daxil edilib. Belə ki, parlamentin təşkilat komitəsinə Milli Məclisin 10 deputatı və Bakı Şəhəri üzrə Təhsil İdarəsi ilə yanaşı, İctimai Televiziya və Radio yayımları Şirkəti, «Olaylar» İnformasiya Agentliyi, «Üç nöqtə», «Şərq», «525-ci qəzet», «Yeni Azərbaycan» qəzetləri və «Mediaforum» və «ANS PRESS» informasiya saytları daxil edilib.
Fərid Şahbazlı layihəyə dəstək verən bütün media qurumlarına minnətdar olduqlarını və BMP-nin təqdimat mərasimini oktyabr ayının sonları-noyabr ayının əvəllərində keçirəcəklərini deyib.
Yazar: LIDER @Oktyabr 10, 2007 12:15
GƏNC LİDERLƏR UŞAQ TƏŞKİLATI |
Baxış sayı: 98
Açar sözlər:
Yazılar cəmi: 8
Sonrakı səhifə »
TƏŞKİLAT HAQQINDA
«Gənc Liderlər» Uşaq Təşkilatı 2006-ci il İyun ayının 1-i Uşaq Hüquqlarının Beynəlxalq Müdafiəsi Günündə bir qrup məktəbli tərəfindən təsis olunub.
Təşkilatın təşəbbüsü ilə Bakı Şəhəri üzrə Təhsil İdarəsi ilə birgə Bakı Məktəblilərinin Parlamenti yaradılmış, Azərbaycan Uşaqların I və II Qarabağ Forumları yüksək səviyyədə-dövlət rəsmiləri, millət vəkillərinin iştirakı ilə təşkil olunmuşdur. «Gənc Liderlər» həm də Bakı Şəhər Dövlət Yol Polisi İdarəsi ilə bir neçə aylıq «Təhlükəsiz piyada» aksiyasının müəllifidir. Bundan əlavə, «Gənc Liderlər» Uşaq Təşkilatının təşəbbüsü ilə millət vəkili Nizami Cəfərovun ön sözlüyü və tarix elmləri namizədi Tahir Şahbazovun redaktorluğu ilə Heydər Əliyev Fondunun prezidenti, millət vəkili Mehriban xanım Əliyevanın şərəfinə «Mehriban Əliyeva olduğu kimi» adlı kitab nəşr olumuşdur. Təşkilat hələ 2 ildir ki, fəaliyyət göstərməsinə baxmayaraq, ölkə səviyyəsində tanınmış quruma çevrilmişdir. «Gənc Liderlər» hal-hazırda Azərbaycan Respublikasının Təhsil, Gənclər və İdman Nazirlikləri, Ombudsman Aparatı, Bakı Şəhəri Dövlət Yol Polisi İdarəsi, Səbayel rayon İcra Hakimiyyəti və bir sıra qurumlarla sıx əməkdaşlıq əlaqələrinə malikdir.
«Gənc Liderlər» Uşaq Təşkilatı məhsuldar fəaliyyəti nəticəsində cəmiyyətin bütün təbəqələrinin dəstəyini qazana bilmişdir. Bu gün təşkilatımızın «Fəxri üzvləri» sırasında Təhsil naziri Misir Mərdanov, Ombudsman Elmira Süleymanova, Tələbə Qəbulu üzrə Dövlət Komissiyasının sədri Məleykə Abbaszadə, Yazıçı-Publisist, Nazirlər Kabinetinin Mətbuat Xidmətinin rəhbəri Akif Əli,«Azəri-Türk» Qadınlar Birliyinin sədri Tənzilə Rüstəmxanlı, Təhsil nazirinin müavini İradə Hüseynova, millət vəkilləri Qənirə Paşayeva, Ülvi Quliyev, Zahid Oruc, Fəttah Heydərov, Nizami Cəfərov, Yaqub Mahmudov, Elmira Axundova, Aqil Abbas, Fuad Muradov, Əkrəm Abdullayev, Adil Əliyev, Aydın Mirzəzadə, Nazim Məmmədov, Azay Quliyev və digərləri var. Təşkilatın sədri Fərid Şahbazlı 7 saylı məktəbin 11-ci sinif şagirdi, «Siyasi Biliklər» və bir neçə digər olimpiadanın mükafatçısı, Respublika Uşaq Parlamentinin üzvüdür.
